Një sherr mes një grupi amerikanësh dhe një grupi shqiptarësh ka ndodhur para një diskoje në Firence. Mediat italiane shkruajnë se gjithçka nisi me fjalë, e pastaj një amerikan në debat e sipër goditi me grusht shqiptarin.
Kaq mjaftoi që situata të degjenerojë në përdorimin e thikave. Shqiptari së bashku me shokët që e shoqëronin iu vërsulën amerikanit, i cili mori dy goditje thike në pjesën e barkut dhe ra përtokë.
Policia e gjeti të gjakosur, teksa shokët po tentonin ta conin në spital. Sipas mjekëve ai për fat është jashtë rrezikut për jetën.
