Një franceze simpatike, që priste të bëhej shpejt nuse në një “derë” shqiptare, pasi ishte e fejuar me një djalë nga Mallakastra do të përcillet me arkivol në vendlindjen e saj.
Ky është fati tragjik që ndoqi 34 vjeçaren Nazia Aham, e cila vdiq dy netë më parë në një aksident fatal rrugor, kur makina me të cilën po udhëtonte sëbashku me të fejuarin Fisnik Murataj 32 vjeç dhe kushëririn e tij Agustinin 30 vjeç, doli nga rruga dhe përfundoi në një kanal.
Ata po ktheheshin nga një dasëm në fshatin Kutë të Mallakastrës kur ndodhi tragjedia e trefishtë. Ndoshta shpejtësia e lartë, pija gjatë dasmës dhe mungesa e ndriçimit anës rrugëve në fshatin Varibop përgjatë rrugës Fier- Tepelenë, mund të kenë qenë edhe shkaqet e aksidentit fatal.
Trupat e dy të rinjve u varrosën në fshatin e lindjes së tyre Kutë, mes dhimbjes, luleleve dhe lotëve, aty ku jetonin edhe familjarët e tyre.
Të gjithë familjarët, të afërmit e miqtë mbanin në duar karafila të kuq, të cilët i vendosën më pas mbi arkivolet e dy të rinjve, që humbën jetën në lule të rinisë.
Ndërsa ndodhet ende në morg trupi i pajetë i shtetases franceze Nazia Aham.
Kurse trupi i pajetë i vajzës, e fejuara e njërit prej viktima, Nazia Aham përmes aeroportit ndërkombëtar të Rinasit do të dërgohet në Francë.
Ka qenë familja e saj që ka kërkuar që ritet mortore të kryhen nga familja dhe në vendin ku ajo ka lindur dhe jetuar.
Përgatiti: Alpenews.al
