E peson keq burri, qe dergoi gruan e tij ne spital, me plage arme ne kembe. Policia ben me dije se ngjarja ka ndodhur ne Hoçisht, Devoll dhe gjithcka ndodhi teksa burri ishte duke pastruar armen, me te cilen qelloi aksidentalisht bashkeshorten.
Njoftimi i policise
Më datë 09.04.2018, rreth orës 12:05, jemi njoftuar se në Spitalin e Korçës ka mberritur e shoqëruar nga bashkëshorti i saj, e plagosur në këmbë me armë gjahu shtetasja L.B, 39 vjeçe, banuese në fshatin Hoçisht, Devoll.
Nga të dhënat e para, dyshohet se kjo shtetase është plagosur aksidentalisht në banesë, në momentin kur bashkëshorti, shtetasi P. B, rreth 50 vjeç, ka qenë duke pastruar armën e gjahut.
Shtetasja L.B, aktualisht ndodhet jashtë rrezikut për jetën, ndërsa ndaj bashkëshortit të saj, po kryhen veprimet e mëtejshme proceduriale. Grupi hetimor po punon për zbardhjen e rrethanave të ngjarjes.
