Kemi dëgjuar shpesh për rastet kur vajzave iu hidhen pilula droge në pijet alkoolike. Një rast i tillë tashëm filmuar edhe me video. Gjatë një festivali në Brazil, një vajzë që ishte duke bërë video-selfie, rastësisht ka filmuar momentin kur një djalë që ishte pranë saj i hedh një pilulë në gotë.
Fatmirësisht ajo e vuri re këtë detaj të rëndësishëm dhe videon e publikoi në Twitter.
“Nuk do ta kuptoj kurrë se si një djalë mund të jetë kaq i keq dhe të tregohet kaq i neveritshëm. Vajza kontrolloni pijet tuaja”.
Ky është mesazhi i vajzës që përjetoi këtë situatë, ndërsa kjo video është shpërndarë masivisht nëpër rrjetet sociale. Përdoruesit e internetit reaguan me komente negative ndaj djalit që hodhi pilulën në gotë, ndërsa disa të tjerë thonë se kjo është një video e rreme. /tvklan.al
