Ndryshon Kodi Penal në Itali. Në 6 Prill hyri në fuqi ligji i ri, sipas të cilit mosrespektimi i pagesave për mbajtjen e fëmijëve kur një çift është i divorcuar, do dënohet nga gjobë deri në burgim. Sipas ligjit 570, gjoba do të jetë 1032 Euro ose 1 vit heqje lirie.
Ligji dënon edhe në rast të mospagesave për mbjatjen e ish-bashkëshortes apo ish-bashkëshortit, përveç se për pagesën e fëmijëve. Vetëm nëse fëmijët janë mbi 18 vjeç dhe nuk ka pasur një akt martesor mes prindërve, evitohet masa e gjobës dhe heqja e lirisë.
Sipas autoriteteve, ky ligj ishte ndryshuar dhe modifikuar shpesh gjatë viteve dhe nuk ishte më efikas në zgjidhjen e probelemeve të kësaj natyre. Kështu që u vendos të ndërhyhet në ligj për forcimin e penaliteteve.
