Të gjithë e dimë që është një frut shumë i mirë dhe i pasur me vitamina dhe lëndë ushqyese. Por jo të gjithë personat mund ta tolerojnë atë dhe ndaj e kanë të ndaluar ta konsumojnë.
Kategoritë dhe efektet anësore
Mos i neglizhoni simptomat që mund të shfaqen pasi keni konsumuar një kivi. Kivi është i shëndetshëm për shumicën e njerëzve kur përdoret si ushqim. Por nëse njerëzit janë alergjikë ndaj kivi, ai mund të shkaktojë reaksione alergjike të tilla si probleme të gëlltitjes (dysphagia), të vjella apo edhe më keq.
Shtatzënia dhe ushqyerja me gji: Kivi është i shëndetshëm për gratë shtatzëna dhe ato me gji, kur merret me moderim, pa e tepruar.
Çrregullime të gjakderdhjes: Kivi mund të ngadalësojë koagulimin e gjakut dhe rritjen e gjakderdhjes. Në teori, kivi mund të përkeqësojë çrregullimet e gjakderdhjes.
Alergjitë: Kivi mund të shkaktojë reaksione alergjike tek njerëzit që janë alergjikë ndaj frutave të tjera, bimëve apo erërave të tilla si avokado, pjepër, fik, lajthi, farat e lulekuqes, thekrës, farat e susamit ose grurit. Shmangni ngrënien e kivit ose marrjen e produkteve me kivi nëse jeni alergjik ndaj ndonjë prej këtyre produkteve.
Në kirurgji: Kivi mund të ngadalësojë koagulimin e gjakut në disa njerëz. Në teori, kivi mund të rrisë rrezikun për gjakderdhje gjatë procedurave kirurgjikale. Mos hani kivi ose mos përdorni këto produkte me kivi të paktën 2 javë para një operacioni të planifikuar.
