Vendimi i Moskës për të dëbuar 60 diplomatë amerikanë ishte një reagim reciprok, i nxitur nga vendimi i SHBA-së, ne solidaritet me Britanine, qe u pasua me mbeshtetjen edhe te vendeve te tjera, pas akuzave per perfshirjen ruse ne helmimin e ish-agjentit të dyfishtë Sergei Skripal dhe vajzës së tij.
Keshtu ka deklaruar zëdhënësi presidencial rus Peskov, duke iu pergjigjur deklarates se Shtepise se Bardhe dhe akuzave se Moska po “bën luftëra diplomatike”.
“Rusia nuk ka nisur asnjë luftë diplomatike, Presidenti Vladimir Putin që nga fillimi ishte dhe mbetet përkrahës i vendosjes së marrëdhënieve të mira me të gjitha shtetet, duke përfshirë Shtetet e Bashkuara Rusia kurrë nuk ka qenë iniciatore e sanksioneve apo përjashtimit të diplomatëve”, tha Peskov para gazetarëve, raporton Sputnik.
Ai theksoi se “Rusia mbetet e hapur ndaj lidhjeve miqesore dhe kërkon një marrëdhënie miqësore”.
Kur u pyet përse Rusia nuk ka njoftuar ndonjë masë hakmarrëse kundër vendeve të tjera që kanë dëbuar diplomatët rusë, zëdhënësi në mënyrë metaforike tha se “nata sjell këshilla”, një proverb i mirënjohur rus, që do të thotë se është e nevojshme të mendosh mbi një vendim përpara se të bësh ate.
Reagimi i Moskës vjen pasi Departamenti i Shtetit i SHBA vuri në dukje se nuk kishte “asnjë justifikim” për përgjigjen e Rusisë, duke iu referuar dëbimit të paralajmëruar të 60 diplomatëve amerikanë dhe mbylljes së konsullatës së përgjithshme në Shën Petersburg.
Megjithatë, masat e Moskës janë një reagim reciprok ndaj urdhrit të mëparshëm të Uashingtonit për të hequr 60 diplomatë rusë nga vendi, të cilin SHBA e quajtën “spiunë”.
Pas lëvizjes së Rusisë, SHBA, nga ana e saj, zgjodhi përshkallëzimin e mëtejshëm të tensioneve dhe njoftoi se do të marrë masa shtesë në përgjigje të vendimit të Moskës për të dëbuar diplomatët amerikanë.
