Policia britanike është vënë në alarm pasi një i ri shqiptar është arratisur nga një qendër paraburgimi në Lanarkshire. Bëhet fjalë për Guxim Imeri, 25 vjeç.
Ai u arratis nga qendra e emigracionit Dungavel rreth orës 21.40 të mbrëmjes. Policia kerkon bashkepunimin e komunitetit dhe drejtuesve te automjeteve, sepse thotë se mund të jetë duke bërë autostop ose duke kërkuar strehim.
Ai përshkruhet me trup mesatar, me flokë të zinj të shkurtër dhe sy kafe.
Ai ka një fytyrë ovale dhe karakteristika të mprehta ndërsa është i parruar. Ai nuk flet rrjedhshëm gjuhën angleze, thuhet në njoftimin e policisë.
