Komedia e filmit të animuar “The Simpson”, e njohur për parashikimet e saj, duket se kishte parashikuar edhe vdekjen e Spephen Hawking 19 vite para se ai të vdiste ditën kur Einstein kishte lindur, 14 mars.
Fansat e “The Simpson” janë shprehur se komedia lë të kuptohet një lidhje e madhe kozmologjike midis fizikantëve Stephen Hawking dhe Albert Einstein, gati dy dekada para se Hawking të vdiste.
Lidhja e frikshme u zbulua këtë fundjavë pasi prodhuesit shfaqën episodin e vitit 1999, të titulluar “Ata shpëtuan trurin e Lizës”, në të cilin ylli Hawking shfaqet në një homazh për vdekjen e tij të mërkurën e 14 marsit.
Skena shfaq Hawking – i cili u diagnostikua me sklerozë amyotrophic lateral (ALS) kur ai ishte 21 vjeç – duke luajtur një këngë me titull “Një histori e shkurtër e rimës”, një muzikë e cila ka shoqëruar punën e tij.
Në karakterin e animuar shfaqet edhe karroca e famshme të cilën Hawking e mbajti për vite të tëra si mjet lëvizës dhe gjithashtu fizikanti mban në qafë një varës me formulën e bërë nga Einstein, E=mc2.
Një referencë e drejtpërdrejtë e Einstein, e cila do të bëhej gjithnjë e më e rëndësishme 19 vjet më vonë, kur Hawking vdiq pikërisht ditën kur Einstein ka lindur.
E mërkura e 14 marsit, dita e vdekjes së Hawking shënoi 139 vite që nga lindja e Einstein, i cili vdiq në vitin 1955, në moshën 76 vjeçare, po aq sa ishte edhe Hawking kur vdiq, 76 vjeç.
Kjo mbivendosje mes dy mendjeve të talentuara u konsiderua si tepër koincidencë, për më tepër, ngjashmëria midis datave të lindjes dhe vdekjes është ndoshta më e rëndësishme se kurrë, për shkak të besimit të Hawking-it se koha është relative.
Por, rastësia më drithëruese përfshin datën numerike 3/14 (pra 14 mars), e cila është e rëndësishme sepse 3.14 janë tre shifrat e para të Pi-së që gjithashtu është përvjetori i 300-të i vdekjes së Galileo Galileit.
