Policia e Beratit ka arritur të zbardhë një vjedhje të ndodhur pak kohë me parë në lagjen Uznovë në Berat duke arrestuar autorin e dyshuar dhe sekuestruar shumën që kishte marrë.
Specialistët e Seksionit për Krimet pas një pune hetimore bënë ndalimin e shtetasit Ermal Xhafa, 34 vjeç, banues në Berat.
Ndalimi i shtetasit të lartpërmendur u bë pasi dyshohet se është autor i vjedhjes së ndodhur në banesën e shtetasit I.N, 37 vjeç, banues në lagjen Uznovë, Berat, ku pasi ka hyrë nga dritarja e banesës ka marrë një sasi prej 3.000.000 lekë, të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Berat për veprën penale “Vjedhje”, parashikuar nga neni 134/3 i Kodit Penal.
