Gjykata e Durrësit ka rrëzuar animimin e prokurorit Dritan Gina lidhur me shkarkimin e tij nga posti i drejtuesit në Prokurorisë së Elbasanit nga kryeprokurorja Arta Marku.
Pas këtij vendimi ka reaguar prokurori Gina, i cili ka deklaruar se prokurorja e çështjes, Anita Jella, ka lidhje shoqërore me kryeprokuroren Arta Marku.
“Se pari: Prokuroria nuk kishte kompetencë për kryerjen e hetimit, pra të hetojë materialin që unë kam paraqitur në lidhje me prokuroren e përgjithëshme të përkohëshme Arta Marku. Por një prokurori tjetër pasi ka qenë edhe vetë pjesë e kësaj prokurorie.
Dhe së dyti: prokurori (Anita Jella) që po merret me hetimin ka lidhje shoqërore me prokuroren e Përgjithëshme Arta Marku. Ato kanë mbaruar shkollën bashkë, madje kanë qenë shoqe të së njëjtës klasë. Largimi im është bërë në mënyre arbitrare, pasi unë nuk isha larguar apo kisha kërkuar dorëheqjen dhe prokuroria e Elbasanit mbeti pa drejtues”– thotë Gina.
Por për këto pretendime ka reagua dhe prokurorja Jella e cila ka theksuar se mungojnë elementë të veprës penale të shpërdorimit të detyrës nga Arta Marku.
“Mungojne elementet e vepres penale te shperdorimit te detyres nga Arta Marku.
Gina ka ushtruar funksionin e drejtuesit te Prokurorise se Elbasanit dhe eshte kerkuar te rikthehet si prokuror i perhershem ne Prokurorine e Tiranes.
Sa i përket faktit se kam qenë në një grup në shkollën e magjistraturës me Arta Markun nuk përbën shkak për t’u tërhequr nga kjo çështje.
Ne si organi i akuzës kerkojme rrezimin e ankimin te bërë nga prokurori Dritan Gina në lidhje me shkarkimin e tij si drejtues i Prokurorisë së Elbasanit, nga prokurorja e përgjithshme e përkohshme Arta Marku”, tha ajo.
