Marsi është muaji i shpresës për dhjetra familje të Elbasanit.
Me afrimin e Ditës së Verës, qytetarët pushtojnë rrugët dhe tregtojnë ëmbëlsirën tradicionale, ballokumen.
I sheh në çdo rrugë me shpresën se do të mund të fitojnë disa të ardhura më tepër.
“Jam në klasë të nëntë dhe pasi mbaroj shkollën vi këtu dhe jam shumë mirë, fitoj dhe lekë”.
Por përpos kushteve atmosferike, këta qytetarë rrezikojnë jetën duke tregtuar buzë rrugës.
Thonë se janë të vetdijshëm për rrezikun që u kanosen por nuk kanë zgjidhje tjetër.
“Ne kemi nga halli, ata nuk na lënë, ne futemi nga e keqja. Ça të bëjmë, ku të shkojmë?”
