Një shtetas nga Izraeli është nadluar mbrëmjen e sotme në aeroportin e Rinasit pasi iu gjet një shumë e madhe parash të pa deklaruara.
Pas kontrollit të ushtruar nga shërbimet kufitare atij iu zbulua një shumë prej 250 mijë eurosh. Izraeliti i identifikuar me inicialet E.R kishte udhëtuar nga Moska për në Shqipëri.
Burimet bëjnë me dije se shtetasi izraelit i kishte fshehur paratë poshtë rrobave në trup.
Po ashtu mësohet se ai ka deklaruar që me këto para do të hapte një klinikë dentare në Tiranë.
Njoftimi i policisë:
Rinas
Policia Kufitare sekuestron 250.000 euro
Shërbimet e Policisë Kufitare ne hyrje ushtruan kontroll fizik ndaj shtetasit izraelit E.R., 49 vjeç, lindur dhe banues ne Izrael.
Gjatë kontrollit në bashkëpunim me Doganën Rinas, shtetasit E. R., i cili udhëtonte nga Moska për në Shqipëri, iu gjetën një sasi valute në kartemonedha euro të padeklaruara në degën e Doganës Rinas, shuma prej 250.000 Euro.
Materialet do t’i kalojnë Prokurorise se Rrethit Gjyqesor Tirane për veprime të metejshme, në ngarkim të shtetasit E.R, për veprën penale “Mos deklarimi në kufi i të hollave dhe sendeve me vlerë”.
