Tentojnë të kalojnë shtetas të huaj jashtë kufirit të Shqipërisë, por kapen mat nga policia. Policia e Shkodres ben me dije se ka arrestuar ne flagrance dy persona dhe ka shpallur ne kerkim nje tjeter.
Ata u kapen teksa kishin mbushur makinat me shtetas siriane dhe po i kalon ilegalisht drejt Malit te Zi, nderkohe qe ne momentin e afrit te policise, njeri nga trafikanett u largua duke i lene sirianet ne kufi.
Njoftimi i plote
Me datë 10.03.2018 nga strukturat e Seksionit Kundër Trafiqeve të Paligjshme në D. V. P. Shkodër në bazë të informacione të marra në rrugë operative u arrestuan në flagrancë shtetasit:
Aldo Ukaj, 32 vjeç, banues në lagjen Manush Alimani, Shkodër
Alfonc Capi , 28 vjeç, banues në Vaqarr Tiranë
Gjithashtu u bë shpallja në kërkim e shtetasit G. G, 24 vjeç, banues në Tiranë,
Arrestimi i shtetasit Aldo Ukaj u bë pasi në rrugën Lezhë – Shkodër në vendin e quajtur Ura e Baçallekut u kap duke transportuar me mjetin tip Dacia me targë AA 784 JO, 5 shtetas të huaj Sirian për në Malin e Zi.
Shtetasi Alfonc Capi u arrestua pasi në rrugën Lezhë – Shkodër tek ura Baçallekut në bashkëpunim me shtetasin G. G, u kap duke transportuar shtetas të huaj Sirian për në Mal i Zi, ku Alfonc Capi me mjetin tip Renault me targë AA 897 KU kishte 4 shtetas Sirian, ndërsa në afërsi të Urës së Baçallekut u gjetën të braktisur edhe 6 shtetas Sirian të së njejtës familje me 4 të tjerët të cilët i ka zbritur nga mjeti, shtetasi G. G. dhe është larguar.
Materialet iu referuan Prokurorisë së Rrethit Gjyqësor Shkodër , në ngarkim të shtetasve të lartëpërmendur, për veprën penale “Dhenie ndihmë për kalim të paligjshëm të kufirit” e kryer në bashkëpunim parashikuar nga neni 298/3 të Kodit Penal.
