Shtetet e Bashkuara të Amerikës kanë krijuar një numër rekord vendesh të reja pune, plot 313 mijë gjatë Shkurtit, tregojnë të dhënat e fundit. Ky është niveli më i lartë në një vit e gjysmë, dhe konfirmon edhe një herë se, tregu i punës në vend është drejt kapacitetit të plotë.
Por, të dhënat kanë edhe detaje shqetësuese. Vihet re një ngadalësim i rritjes së pagave gjatë Shkurtit. Vendet e reja të punës në Shtetet e Bashkuara gjatë Shkurtit kanë marrë shtysë kryesisht nga përshpejtimi i aktivitetit në ndërtim, që ka prekur nivelin më të lartë që prej vitit 2007, tregojnë të dhënat e Departamentit të Punës në vend.
Edhe të dhënat e Janarit dhe Dhjetorit të vitit të kaluar janë rishikuar në rritje, me 54 mijë vende të reja pune më shumë. Tregu i punës në vend po përfiton nga kërkesa e fortë e brendshme, përmirësimi i ekonomisë globale si dhe ndjeshëmria e fortë e biznesit në vend pas reformës fiskale të Donald Trump që parashikon shkurtim taksash për 1.5 trilionë dollarë.
Sa i përket pagave, vihet rë një rritje me vetëm 0.1%, në 26.75 dollarë në orë, ndërkohë që gjatë Janarit rritja fiksohej në 0.3%. Norma e papunësisë në vend mbetet e pandryshuar pranë rekordit 17-vjeçar të 4.1%./Scan/
