Kjo është e mundur ngase njerëzit me alergji në mace reagojnë ndaj substancave specifike që prodhojnë macet, të tilla si pështymë, lëkura ose urina.
Substancat që shkaktojnë këto reaksione janë quajtur alergen. Një alergji në mace mund të shkaktojë simptoma që variojnë nga problemet e lehta të frymëmarrjes, në një sindromë kërcënuese për jetën, e quajtur anafilaksi.
Sipas një studimi, rreth 12 për qind e amerikanëve janë alergjikë ndaj maceve, por në Evropë, ajo është shumë më e lartë në rreth 26 për qind, transmeton Indeksonline.
A mund të jetoni me një mace nëse jeni alergjik?
Mënyra më e lehtë për të trajtuar alergjitë ndaj maceve është të shmangni macet në shtëpitë tuaja. Por, për njerëzit që shikojnë kafshët e tyre si familje, kjo është e pamendueshme.
Varësisht nga ashpërsia e alergjisë, mund të jetë e mundur të jetoni me macet. Një gjë e tillë kërkon një kombinim të trajtimit të alergjisë dhe menaxhimit të kujdesshëm të qimeve të maces dhe grimcave të tjera. Duke ditur se cilat proteina specifike shkaktojnë reaksion alergjik, mund të ndihmojë njerëzit me alergji në mace të vendosin se si të menaxhojnë më mirë simptomat e tyre.
