Një 44-vjeçar shqiptar, është dorëzuar sot në policinë italiane pasi akuzohet se ka shkaktuar një aksident automobilistike. Ngjarja në fjalë ndodhi mbrëmjen e së enjtes në Laçhiarella të Milanos.
Nga aksidenti i rëndë fatkeqësisht humbën jetën një 73-vjeçare, ndërsa vajza e saj 45-vjeçare mbeti e plagosur. ‘Ansa’ shkruan se fill pas aksidentit shqiptari ishte larguar nga vendi i ngjarjes. Ky i fundit akuzohet se është person me precedentë penale, pasi akuzohet për vjedhje makinash.
Ai u paraqit rreth orësh 12:00 në komisariatin e Assago-s, ndërsa akuzohet për ‘vrasje në rrugë’ largim nga vendi i ngjarjes si dhe vjedhje, pasi mjeti me të cilin udhëtonte, një ‘BMW 325’, rezultonte e vjedhur më 28 mars të vitit të kaluar në Trenzano (Brescia). Po ashtu bëhet e ditur se hetuesit kishin mbledhur disa prova që ‘fundosin’ shqiptarin, që nga gjurmët e gjakut e deri tek fijet e flokut. Gjatë marrjes në pyetje, karabinierët kanë dëgjuar versionin e tij për ngjarjen. Po ashtu nuk përjashtohet mundësia që shqiptari, identiteti i të cilit nuk dihet, të jetë pjesë e një bande të hajdutëve të makinave.
