Personi që shihni në foto është 54-vjecari Agur Vrenozi, i cili humbi jetën pasi u qëllua me armë zjarri në kokë nga grabitësit dje në Fier. 53-vjecari, pronar i ndërtesës ku ndodhi grabitja, ndërhyri për të ndihmuar pronarin e këmbimit valutor që të ndalonin autorët e grabitjes, por u qëllua me plumb në kokë dhe ndërroi jetë sot në Spitalin e Traumës. Nga ngjarja mbeti i plagosur edhe pronari i këmbimit valutor Gëzim Hoxha. Policia arriti të kapë në kohë rekord autorët e dyshuar, Zini Fyraj, Lulëzim Demiraj, Dashamir Gergali.
Ngjarja:
Ngjarja ka ndodhur rreth orës 10:55 ku dy persona të maskuar dhe të armatosur kanë grabitur një pikë së Exhange pranë “Zogut të Zi” në Fier. Ata kanë plagosur pronarin e pikës së këmbimit valutor, Gëzim Hoxhën dhe 54-vjeçarin Agur Vrenozi, pronar i godinës ku ndodhet pika e këmbimit valutor. Grabitësit kanë qëlluar dhe janë larguar me një makinë tip “Benz” me targa AA879JG, ku priste bashkëpunëtori i tyre, por pas 90 minutash janë arrestuar.
