Një nga ekspertët, pjesë e Ministrisë së Jashtme, i atashuar në grupin që po merret me marrëveshjen e detit me palën greke, duket se ka një të shkuar profesionale aspak nderuese për të qenë pjesë e një grupi të tillë ekspertësh, ku mbi të gjitha kërkohet integritet i lartë profesional.
Bëhet fjalë për ekspertin Artur Meçollari, ushtarak i forcave detare, përfaqësues i Ministrisë së Mbrojtjes, i cili shfaqet në një foto të shkrepur pas takimit të zhvilluar në Korçë midis Ministrot të Jashtëm Shqiptar Ditmir Bushati dhe atij grek Nikos Kotzias. Aktualisht Meçollari është drejtor i Insektimit të Përgjithshëm në Ministrinë e Mbrojtjes.
Meçollari. I cili është një njohës i çështjeve të detit, për të cilën ka botuar edhe një libër kushtuar incidentit të Kanalit të Korfuzit, mësohet se në vitin 2012, në periudhën kur mbante postin e z/komandantit të Flotës Detare me gradën kapiten, është larguar nga detyra për spiunazh dhe për cenim të sigurisë kombëtare.
Për këtë emër, ish kryeministri Sali Berisha ka bërë një denoncim të fortë sot jashtë dyerve të Parlamentit.
“Do ta denoncoj me ashpërsinë më të madhe vendosjen në krye në grup negociimi të një ish spiuni të Forcave të Armatosura, i larguar pas dokumentiimeve të pakundërshtueshme të SHISH të ushtrisë dhe të dhënat e tjera, i larguar me vendim të prokurorisë së përgjithshme dhe që ky agjent, ky spiun, Artur Mecollari, dicka e kësaj natyre sic ka të drejtë cdo shtetas që akuzohet më të padrejtë, nuk i është drejtuar gjykatës se faktet kanë qenë katastrofale. Ai ka zgjedhur rrugën e xhepit apo influencës apo vendin tjetër që merrte rrogën, për tu rikthyer në funksione nevralgjike të shtetit shqiptar, nëse lexoni deklaratat e zëdhënësit te Edi Ramës, Ditëzi Bushatit se ne nuk kemi zhvilluar diskutime teknike por politiko diplomatike dhe prapa këtij nxjerr kokën në Korcë ku u diskutua 13 orë për marrëveshjen e detit, pikërisht njeriu i larguar nga FA për lidhje agjenturore me sherbimet e huaja.”/ Përgatiti AlpeNews.al/
