Nuk reshtin së ekspozuari detaje të reja nga veprimtaria e Olesja Dukës, dentistes nga Tirana e akuzuar dje nga Prokuroria per mashtrimin me 900 mije euro. Pas berjes publike te lajmit per arrestimin e saj numri i denoncimeve eshte shtuar. Te pakten 5 denondime te reja jane shtuar sot prane sektorit te antikrimit ekonomiko financiar ne Drejtorine e Policise se Tiranes.
Shumat qe pretendohet nga viktimat e mashtrimeve te saj, jane nga me te ndryshimet. Sakaq mësohet se Duka ka mashtruar një biznesmen tjeter duke i vjedhur 30 mijë euro. Shume kjo qe nuk ishte e llogaritur ne totalin e 900 mije eurove te deklaruara nga Prokuroria. Nderkohe qe denoncuesit e tjere pritet qe te bejne deklarimin dhe ofrimin e provave shuma e mashtrimit nga dentistja seksi po rritet.
Veçoria qe zbuluan hetuesit ishte se ajo perveçse i genjente duke pretenduar se kishte 8 klinika stamatologjie, ishte se ajo hynte ne lidhje intime me viktimat e saj te ardhshme, te cilet e kishin me te thjeshte me sa duket pas kesaj, te binin ne gracke.
Deklarat e Prokurorisë
Prokuroria pranë Gjykatës së Shkallës së Parë Durrës në bashkëpunim me Sektorin e Krimit Ekonomik në Drejtorinë e Përgjithshme të Policisë mundësoi zbulimin e një vepre penale të një shtetasje për mashtrim me vlera të mëdha financiare, deri në 900 mijë euro. Prokuroria pranë Gjykatës së Shkallës së Parë Durrës në 26 shkurt 2018 ka filluar procedimin penal nr. 143/2018, për veprën penale “Mashtrimi”, te parashikuar nga neni 143/3 i K. Penal në ngarkim të shtetases Olesja Duka banuese në Tiranë në dëm të shtetasit paditës I.H.
Nga materialet hetimore paraprake të mbledhura ekzistojnë dyshime të arsyeshme të mbështetura në prova se nga autori i veprës penale Olesja Duka (madhor) është kryer vepra penale e “Mashtrimit” parashikuar nga neni 143/3 i Kodit Penal, i cili me anë të veprimeve të gënjeshtrës dhe shpërdorimit të besimit vazhdon të mos kthejë shumën e parave të marra duke kryer në këtë mënyrë veprën penale ndaj të dëmtuarit I.H.që nga njohja mes tyre në nëntor 2016.
Autori i veprës penale vazhdon të kryejë veprime në mbulimin dhe dredhinë për mashtrim dhe vjedhjes se shumave të mëdha parash edhe tek disa persona të tjerë. Për këto arsye nga ana e Gjykatës së Rrethit Gjyqësor Durrës, është caktuar masa e sigurimit arrest ne burg për shtetasen Olesja Duka e datëlindjes 26.09.1980, me banim në Tiranë. Nisur nga dëmi i madh i shkaktuar të dëmtuarit nga vepra penale, nga ana e Gjykatës është vendosur sekuestroja preventive për pesë pasuri të autorit dhe familjarëve të tij me një vlerë mbi treqind mijë Euro. Hetimet vazhdojnë për identifikimin e shumave të vjedhura dhe të fshehura nga ana e autorit të veprës penale.
