Një bandë e përfshirë në trafikun e drogës dhe në vjedhje sistematike ku në përbërje kishte dhe shqiptarë është shkatërruar nga policia greke.
Në pranga ka rënë lideri i bandës, një 35 vjeçar shqiptar, katër grekë të moshave, 42, 39, 34 dhe 23 vjeç dhe tre shqiptarë, të moshës 24, 29 dhe 35 vjeç. Në kërkim janë edhe dy shqiptarë të tjerë.
Banda kishte trafikuar kokainë me vlerë mbi 19.000 euro, duke ua shitur më shumë se 40 personave në Halkida, Eretria dhe Artaki. Nëngrupi i dytë që përfshin të tjerët, kishte trafikuar kokainë dhe kanabis të papërpunuara me vlerë më shumë se 15.000 euro në rajonet e Evia. Deri tani janë skanuar 15 vjedhje dhe dy përpjekje me vlerë mbi 500,000 euro, shkruan gazeta greke “Protothema”.
Janë identifikuar 15 viktima dhe autorë të përballen me akuza për kamatë, grabitje, pastrimit të parave nga aktiviteti kriminal, etj.
Pas kontrolleve në banesa u janë sekuestruar makina të vjedhura, pajisje, bizhuteri, dhe të holla në shumën 104 595 euro, karta bankare, çeqe, shënime të ndryshme të shqyrtuara, dhe dy makina kamionë.
