Policia e Vlorës ka vënë në pranga ditën e sotme dy persona, të cilat akuzohen për vepra të ndryshime penale.
Siç bëhet me dije, në pranga është vënë Z. Demaj, 62 vjeç, banues në fshatin Sevaster, pasi ka ushtruar dhunë fizike dhe psikologjike në mënyrë të vazhdueshme ndaj bashkëshortes së tij, Sh.D., 49 vjeçe.
Po ashtu, është arrestuar edhe 44-vjeçari nnga Vlora E. Kalemaj, pasi në rrugën Novoselë – Poro ka qenë duke drejtuar një kamion tip ”Iveco”, ku nga karroceria e kamionit ka rënë E.H., 37 vjeç, i cili për pasojë ka mbetur i dëmtuar, jashtë rrezikut për jetën.
Lidhur me të dy ngjarjet, policia sqaron se pas hetimeve të para ka dërguar dosjet në prokurori.
