Manjati rus, Oleg Deripaska, dha dorëheqje nga udhëheqja e kompanisë ruse të aluminit Rusal njoftuan sëfundi gjerësisht, mediat ndërkombëtare. “Rusal” dhe kompania partnere “EN+” njoftuan për largimin e Deripaskas dhe për ndryshime të tjera në menaxhim, duke thënë se ato do të sjellin energji shtesë.
Foto: Manjati rus Oleg Deripaska
Po çfarë ka ndodhur?
“Rusal” nuk e përmendi një raport hetues, të publikuar së voni nga politikani opozitar rus, Aleksei Navalny, në të cilin është thënë se Deripaska ka pritur zëvendëskryeministrin rus, Sergei Prikhodko, në jahtin e tij.
Raporti i Navalnyt, i publikuar më 8 shkurt dhe i bazuar në disa postime në mediat sociale dhe në fotografi të siguruara nga një grua, e cila ka thënë se ka pasur aferë me Deripaskan, ka thënë se takimi tregon prova të reja për korrupsion në qarqet e Kremlinit.
Si dy pika uji me rastin e Adriatik Llallës
Pak ditë më parë “Alpenews.al” botoi për herë të parë fotografi të ish Kryeprokurorit të Shqipërisë Adriatik Llalla dhe të familjarëve të tij të tjerë në një jaht privat misterioz, për pronësinë e të cilit ende nuk ka deklarim publik se i kujt eshte.
Agjensite e specializuara antikrim dhe antikorrupsion i kane depozituar me cilesine e proves ne dosjen e Llallës tashmë keto foto dhe shume prova te tjera dhe me siguri qe e kane identifikuar, se kush dhe perse paguheshin pushimet superluksoze te familjes se vetme shqiptare qe i eshte ndaluar hyrja ne SHBA me firmen e sekretarit Amerikan te Shtetit, Rex Tillerson.
Po më tej?
Vetë Deripaska ka mohuar se ka bërë ndonjë “veprim të paligjshëm” dhe ka kërkuar nga mediat që të mos i shpërndajnë “akuzat e rreme” në raportin e Navalnyt. Ndërsa Adriatik Llalla ende nuk ka folur dhe te sqaroje qytetaret shqiptare, me taksat e te cileve ai dhe bashkeshortja e tij jane paguar gjithe jeten e tyre, nese eshte i ligjshem apo e paligjshme per nje kryeprokuror qe te pranoje dhurata te tilla kaq te majme, sa pushimet prej familje sheikesh ne jahte miliona dollareshe?! E per te sqaruar me pas se çfare ai i ka kthyer ne shkembim te ketij nderi, atyre qe ia mundesuan kete.
Foto: Sekretari Amerikan i Shtetit, Rex Tillerson
Shqiperia, edhe më poshtë se standardi rus?!
Javë më parë, Deripaska ka qenë po ashtu njëri nga 96 manjatët rusë, të listuar nga Departamenti Amerikan i Thesarit si njerëz që kanë fituar pasuri dhe pushtet, për shkak të lidhjeve të afërta me presidentin rus, Vladimir Putin. Ndërsa Adriatik Llallën dhe familjen e tij Departamenti Amerikan i Shtetit e futi në listën e zezë per shkak te perfshirjes se tij ne “raste te medha korrupsioni” gjate kohes se ushtrimit te detyres se Prokurorit te Pergjithshem.
A do ta tejkalojë Shqipëria standardin antikorrupsion qofte edhe të Rusisë… për të ndëshkuar nje ish zyrtare te larte te akuzuar nga SHBA per raste te medha korrupsioni, per te cilin tashme ka edhe prova te pakundershtueshme jo publike dhe keto te bera publike sefundi?!
Jahti i skandalit
Ironi shqiptare
Një oligark rus pret në jahtin e tij privat zv. kryeministrin e vendit të tij dhe detyrohet të japë dorëheqjen. Ndërsa ish Kryeprokurori i Shqipërisë ben pushimet familjare në një jaht të paguar me para të dyshimta dhe thotë: Fajin ma ka Lu-ja!
Përgatit: Alpenews.al
