Një aksident i rëndë ka ndodhur në hyrje të Maminasit rreth orës 23:40, në autostradën Tiranë-Durrës.
Sipas raportimeve paraprake një automjet tip ‘Benz’ me targa AA 060 SP ka përplasur nga mbrapa një taksi me targa me targa DR 475 TX dhe si pasojë e aksidentit kanë ngelur të vdekur shoferi i taksisë B.A 60 vjeç dhe pasagjerija shtetasia E.A 23 vjeçe banuese në Tiranë.
Aksidenti dyshohet të ketë ndodhur si rezultat i shpejtësisë së lartë. Gjatë përplasjes taksia ka devijuar dhe ështyë futur në një pikë karburanti që ndodhej aty pranë. Në mjetin tip ‘Benz’ nuk është gjetur asnjë person. Policia ndodhet në vendit e ngjarjes për të zbuluar shkaqet e aksidentit.
Njoftimi i policisë:
Durrës
Më datë 21.02.2018, rreth orës 23:30, në autostradën Durrës-Tiranë, pa shkuar në Maminas një mjet tip Benz me targa AA 060 SP është përplasur me mjetin Taksi me targa DR 475 TX.
Për pasojë kanë ndërruar jetë drejtuesi i mjetit tip Taksi B.A.60 vjeç, banues në Durrës dhe pasagjerja, shtetësia E.A. 23 vjeçe, banuese në Tiranë.
Nga veprimet paraprake dyshohet se mjeti tip Benz e ka përplasur nga mbrapa mjetin tip Taksi dhe kjo e fundit për të devijuar është futur në një karburant.
Në mjetin tip Benz nuk është gjetur asnjë shtetas.
Në vendngjarje ndodhen Efektivet e Policisë, të cilët po punojnë për gjetjen e drejtuesit të mjetit tip Benz dhe zbardhjen e rrethanave të ngjarjes.
