Mediat italiane raportojnë se Roma dhe sulmuesi boshnjak, Edin Dzeko kanë refuzuar një ofertë të majme nga Kina.
Sulmuesi boshnjak fitoi titullin ‘Capocannoniere’ si golashënuesi më i mirë në Serie A sezonin e kaluar dhe po vazhdon të bëjë përshtypje të mirë këtë sezon.
Paraqitjet e tij të mira me Romën kanë bërë që shumë skuadra nga Evropa, Amerika dhe Azia të vihen pas shërbimeve të tij.
Sipas mediumit italian Calciomercato.com, kjo bëri që disa klube kineze t’i ofrojnë atij një pagë në rajonin e 13 milionë eurove në vit.
Megjithatë, drejtori sportiv i Romës, Monchi dhe Dzeko e hodhën poshtë menjëherë propozimin e skuadrës së paidentifikuar kineze.
31-vjeçari ka 10 gola dhe dy asistime nën brezin e në 14 ndeshje të zhvilluara në Serie A dhe Ligën e Kampionëve këtë sezon.
Dzeko në të kaluarën ka luajtur edhe për skuadra si Wolfsburg dhe Manchester City, ku edhe aty ka shënuar shumë gola.
