Shtëpia e Bardhë u përpoq ta minimizonte raportin e ndryshimeve klimatike, të hartuar nga 13 agjenci federale amerikane. Studimi i tyre bie ndesh me pohimet e bëra nga Trump dhe një sërë pjesëtarësh të administratës së tij. Sipas studimit thuhet se është e mundshme, që aktiviteti njerëzor të jetë dhe shkaku kryesor i ngrohjes globale.
“Edhe pse administrata i mbështet me forcë analizat shkencore dhe debatin, duhet të mbajmë parasysh se klima është gjithmonë në ndryshim” – u shpreh një prej hartuesve të këtij raporti.
Sipas BBC, zv. Sekretari kryesor i Shtypit në Shtëpinë e Bardhë, Raj Shah u përpoq të tregonte se nuk është e sigurt, ë se sa e ndjeshme është klima e Tokës ndaj emetimit të gazrave shkaktare të efektit serë.
Trump vazhdon t’i qëndrojë idesë se, koncepti i ngrohjes globale është krijuar nga kinezët për ta bërë më pak konkurruese industrinë përpunuese të Shteteve të Bashkuara, e në fillim të vitit njoftoi tërheqjen e Shteteve të Bashkuara nga marrëveshja e Parisit mbi klimën.
Raporti i posaçëm shkencor mbi ndryshimet klimatike u hartua nga shkencëtarë të qeverisë amerikane. Parashikimet e tyre nuk përjashtojnë mundësinë që deri në fund të shekullit, niveli global i ujit të deteve dhe oqeaneve të rritet deri në 2.4 metra, rreziku i thatësirave dhe përmbytjeve të rritet ndjeshëm, e të shtohen rastet e stuhive shkatërrimtare dhe zjarreve masive.
