Lidhur me ekzkeutimin e Devi Kasmit ne Tirane me 29 janar, “Panorama” shkruan se Prokuroria ka marrë në pyetje edhe kunatin e Domart Konjarit.
Edhe pse zyrtarisht Konjari nuk është i dyshuar, Prokuroria dhe Policia nuk e kanë përjashtuar si pistë. Në dëshminë e tij, kunati i Konjarit nuk ka thënë asgjë që mund të ndihmojë hetimet për vrasjen e Kasmit, e cila mbetet ende pa motiv.
Nga ana tjetër, Domart Konjari gjendet në arrati prej rreth dy vjetësh, që kur Apeli i Krimeve të Rënda zbuti masën e arrestit me burg ndaj tij.
Konjari kërkohet në Francë për trafik droge dhe grup të strukturuar kriminal, por që pas lirimit, ai nuk gjendet më nga autoritetet.
Dyshimet e Prokurorisë për Konjarin kanë qenë mbi ngjarje të ndodhura në Spanjë, ku mbeti i plagosur vetë i kërkuari.
Ai ka akuzuar Devi Kasmin për plagosjen. Gjithashtu, ngjarja është lidhur edhe me vrasjen e Franc Konomit, mikut të Domart Konjarit. Por lidhur me këtë pistë, nuk ka asgjë konkrete.
