Neymar bëri një ndeshje të dobët teksa Real Madrid mposhti PSG në ndeshjen e parë të 1/8-ave në Champions League.
Cristiano Ronaldo ishte heroi i Los Blancos, duke shënuar dy gola ndërsa të tretin e shënoi Marcelo i cili gjithashtu ishte një nga më të mirët në fushë.
Dhe spanjollja Don Balon thotë se Neymar është zhgënjyer nga paraqitja e ekipit të tij në Bernabeu.
Ishte një ndeshje që braziliani pritej të ishte vendimtar.
PSG pagoi 222 mln euro për të blerë yllin nga Barcelona gushtin e kaluar dhe objektivi kryesor i klubit ka qenë pikërisht Champions.
Por ndaj Real Neymar dështoi.
Braziliani mori karton të verdhë në fillim të ndeshjes, megjithëse dha asistin për golin e Rabiot, ai nuk u fut asnjëherë në lojë.
Dhe Don Balon thotë se Neymar ka kritikuar ashpër shokët e ekipit pas ndeshjes.
