Skënderbeu ende nuk është dënuar nga UEFA, por është e qartë që nëse merret ai dënim i kërkuar nga inspektorët e e UEFA-s në Komisionin e Disiplinës dhe Etikës, atëherë klubit bardhekuq merr fund. Në dokumentin e dalë në medie, e siguruar edhe nga EDS, shihet qartë se është një kërkesë për dënim ndaj korçarëve, dhe jo një vendim final. Në kërkesë thuhet se kërkohet përjashtimi i Skënderbeut nga kupat e Europës për 10 vite, si dhe të vendoset një gjobë prej 1 milion eurosh.
Momentalisht kjo çështje mbetet e hapur dhe mbetet për t’u parë nëse dënimi do të jetë më i vogël, apo edhe më i madh. UEFA vendos, për momentin kërkesa është e qartë dhe Skënderbeu ende nuk është dënuar./EDS/
