Ka nisur në Kuvendin e Shqipërisë seanca e shtyrë nga dita e djeshme pas debateve të forta dhe përjashtimit të Flamur Nokës.
Seanca ka nisur aty ku u ndërpre dje, te debati për ligjin për minoritetet.
Fillimisht nga përplasjet e mesditës së të enjtes seanca u shty për pasdite, por sërish pati përplasje, pasi Flamur Noka nuk është bindur për të lënë sallën e Kuvendit duke bërë që seanca të shtyhet për sot në orën 08:30.
Në seancën e sotme nuk do të jetë Flamur Noka i përjashtuar me 10 ditë për bllokim të punimeve, ndërsa pritet qëndrimi i PD, pasi iu refuzua kërkesa për përjashtimin e Ramës, pasi sipas tyre ofendoi Berishën.
Seanca e sotme ka bërë që të shtyhet një pjesë e axhendës së planifikuar nga Rama për mbledhjen e qeverisë në Vlorë.
