I dyshuari dhe i arrestuari si ekzekutori i Devi Kasmit, Efthymio Efthymious ka komunikuar me mediat e vendit te tij ne Greqi, me telefon nga burgu 313 ne Tirane ku mbahet i izoluar. Ish-punonjësi i forcave speciale greke, i akuzuar si vrases me pagese ne Tirane, ka zhvilluar nje interviste telefonike me nje televizion helen. Gjatë telefonatës ai ka mohuar se ka lidhje me vrasjen e Devi kasmit dhe atentatin e asaj nate.
Mediat citojnë Efthymious të ketë deklaruar, se: Jam i pafajshëm, është tragjike kjo që po më ndodh. Është gabim shumë i madh. Unë jam stërvitur për të mbrojtur jetë jo për të marr. Unë nuk kam lidhje me atë ngjarje. Policia shqiptare donte të gjente një viktimë dhe më gjeti mua me disa të dhëna të ngjashme. A është e mundur kjo? Pa asnjë provë?
Vetem pak ore me pare, avokati i 42 vjeçarit grek, qe akuzohet se vrau Devi Kasmin te henen e dy javeve me pare ne zonen e Rruges Bardhyl ne kryeqytet, tha se e kane apeluar vendimin e arrestit per Efthymiousin.
Javen e kaluar, Gjykata e shkalles se pare per Krime te Renda ne Tirane, dha masen e arrestit me burg per te dyshuarin si ekzekutor ne atentatin e bujshem mafioz.
Ai eshte arrestuar sebashku me 4 te tjere, shqiptare, qe akuzohen si organizatore, ndihmes dhe mbeshtetes te tij ne kete ngjarje.
Ata u arrestuan dhjete dite me pare me buje, kur u zbulua nje baze e tyre, nje vile ne Mezez, ne periferine e qytetit te Tiranes, ku u gjenden shume arme, municione, lende shperthyese, mjete logjistike, droge, qe mendohet se i perkisinin grupit qe realizoi atentatin. Gjate javes ne vijim pritet te zhvillohet ne Apel, vleresimi i mases se arrestit per te dyshuarin si vrases me pagese.
AlpeNews.al
