Ky përbërës konsumohet në të gjithë botën me një vend të veçantë që nga mëngjesi deri tek ëmbëlsira. Por disa receta kërkojnë specifikisht një lloj orizi, të shkurtër, të mesëm apo të gjatë. Por cili është ndryshimi mes tyre dhe në të vërtetë a ka rëndësi zgjedhja e gjatësisë?
Orizi i gjatë
Siç e ka dhe emrin, orizi i gjatë është i hollë dhe rreth 5 herë më i gjatë se gjerësia e tij. Ka shumë prodhime të cilat dallojnë nga lloji i drithit dhe që pas gatimit qëndrojnë kokrra të ndara dhe janë të shkëlqyera për në anë të gatimeve, pilaf dhe sallata.
Orizi me gjatësi mesatare
Më i shkurtër dhe më i gjerë se orizi i gjatë. Ky lloj orizi pas gatimi është më i butë, më i ngjitshëm dhe më i lëngshëm. Përdoret zakonisht për të bërë rizoto apo në tava Pajela, gatim tradicional spanjoll.
Orizi i shkurtër
Orizi i shkurtër, është vetëm pak më i gjatë nga ç’është i gjerë. Pas gatimit masa e orizit është e butë dhe kokrrat ngjiten me njëra-tjetrën. Orizi kaf i shkurtër amerikan dhe orizi sushi janë një nga variantet më të zakonshëm. Përdoreni atë kryesisht për sushi, për t’u dhënë formë sallatave dhe puding.
Zëvendësoni me kujdes!
Nëse mendoni të zëvendësoni llojin e orizit në receta të ndryshme bëjeni me kujdes dhe parashikoni që gatimi do të dalë pak më ndryshe nga ç’përshkruhet në recetë. Shumë të tilla e saktësojnë llojin e orizit për shkak të formës finale në gatim. Disa pjata janë më të mira me orizin e gjatë, ndërsa të tjerat kanë nevojë për një oriz të mesëm apo të shkurtër për shkak të masës së lëngshme që kërkojnë. Ndryshimi nuk është vetëm në masë, por dhë në përmbajtje, kështu që orizi i caktuar që kërkohet në recetë bën dhe diferencën në fund.
/Shije.al
