Një tërmet prej 6.4 ballësh ka goditur Tajvanin, ku pasojat më të mëdha janë ndjerë në qytetin Hualien, ku ka qenë dhe epiqendra.
Dy persona janë raportuar se janë vrarë dhe rreth 150 vetë janë plagosur.
Fox News raporton po ashtu se disa persona ende janë të bllokuar nën rrënojat e ndërtesave të rrëzuara, duke iu referuar kështu edhe raportimeve lokale dhe postimeve në rrjetet sociale.
Kryeministri i Tajvanit tha se të paktën 144 vetë u plagosën pasi tërmeti goditi bregun lindor të Tajvanit, rreth 14 milje në lindje-verilindje të Hualian.
Tërmeti u raportua rreth orës 11:50. kohë lokale, raportoi Studimi Gjeologjik i SHBA. Informacioni paraprak deklaroi se tërmeti ishte rreth gjashtë miljenë thellësi.
Një tjetër lëkundje me magnitudë 5.1 u ndje më pas.
Fotot dramatike të dëmtimit pas tërmetit treguan se Marshal Hotel në Hualien pjesërisht u rrëzua Ekipet e shpëtimit janë në gadishmëri dhe njerëzit besohet të jenë të bllokuar në hotel.
Një tjetër ndërtesë e quajtur Hotel Beautiful Life është gjithashtu e rrënuar. Disa rrugë janë dëmtuar pjesërisht. Godina të rrëzuara e rrugë të çara, janë pamjet e para që vijnë nga atje.
