Presidenti amerikan Donald Trump tha se emigranti uzbek i akuzuar për sulmin me kamion në Nju Jork pak ditë më parë ku vdiqën 8 persona, duhet të dënohet me vdekje, por shtoi se ai nuk duhet dërguar në qendrën e Gunantanamos në Kubë, ku mbahen të dyshuar për terrorizëm.
Presidenti tha se do të donte së tepërmi që “terroristi i Nju Jorkut të mbahej në Guantanamo, por sipas statistikave, ky proces merr një kohë shumë më të gjatë” se sa shqyrtimi i çështjes së tij përmes sistemit amerikan të gjykatave.
Trump tha se është më e përshtatshme që i pandehuri të mbahet në qytetin e Nju Jorkut, ku ai kreu krimin e tmerrshëm, duke shtuar se procesi gjyqësor ndaj Sayfullo Saipovit duhet të zhvillohet me shpejtësi, drejt dënimit me vdekje.
/AlpeNews.al/
