Sot u emërua Drejtori i ri i Policisë së Shtetit. Burime mediatike bëjnë të ditur se është emëruar Ardi Veliu.
Emri i Veliut është propozuar fillimisht nga Ministri i Brendshëm Fatmir Xhafaj në tryezën e Kryeministrit Edi Rama, i cili më pas e ka firmosur. Veliu zëvendëson në këtë post, Haki Çakon e shkarkuar pak javë më parë.
Ardi Veliu deri më tani ka mbajtur detyrën e drejtorit të Policisë së Tiranës që prej vitit të kaluar.
Në një konkurs të bërë pak ditë më parë për zëvendësuesit e Çakos, Veliu doli i pari në listë.
Veliu ushtronte detyrën si drejtor i Policisë së Tiranës, që prej prillit të vitit të kaluar, duke zëvendësuar Ervin Hodajn gjatë rrokadës së emërim-shkarkimeve të policisë.
Para se të bëhej shef i policisë së kryeqytetit, Veliu ka qenë drejtues në Drejtorinë e Policisë Rrugore, në Drejtorinë e Përgjithshme për Sigurinë Publike.
JETA
Ish-kreu i Policisë Rrugore, tashmë edhe Ish- drejtor i policies së Tiranës, ka lindur në 2 Mars të vitit 1972 në Delvinë. Ai është i martuar dhe është baba i dy fëmijëve.Veliu ka mbaruar studimet në akademinë e Policisë në Tiranë në vitin 1994 dhe i ka vazhduar më tutje në akademinë e Policisë në Ankara të Turqisë deri në vitin 1998.
Po ashtu Veliu ka dy diploma. Ai është diplomuar në Fakultetin e Menaxhimit të Biznesit, në Universitetin “Ismail Qemali”, në Vlorë, si edhe në Fakultetin Juridik.
KARRIERA
Ai e ka nisur karrierën e tij në Polici në vitin 1998 kur ka filluar punë si Komandant i “Postës së Policisë”, në Memaliaj.
Më vonë, në vitin 1993 ai është emëruar Shef i Policisë së Rendit, në Vlorë.
Veliu ka mbajtur edhe poste të tjera në polici, duke përmendur atë të
Shefit të komisariatit të Policisë në Durrës, Zëvendësdrejtor për Sigurinë në Tiranë, Drejtor i Policise Rrugore ne Drejtorine e Policise se Shtetit dhe Drejtor i Drejtorise Vendore të Policisë Tiranë. Kujtojmë se përveç Ardi Veliut, emrat e tjerë pretendentë për të zëvendësuar Haki Çakon janë: Artan Shkëmbi, Kasteriot Skënderi, Ilirjan Balla, Bledar Çeliku dhe Gentian Shehaj.
