Çdo material apo publikim nga Flori Mumajesi ose nga çunat e tjerë të familjes “Threedots”, Klajdi, Bruno, Viki a Kledi kthehet padyshim në hitin e momentit.
Këtë e vërtetuam edhe gjatë këtij vit me “Nallane 3”, “Karma”, “Skifterja e Zemrës” dhe “A më do”. Po të gjithëve na mundon pyetja: Cili është sekreti që çdo këngë e çunave kthehet në hit?
Duket se këtë sekret Flori më në fund e tha!
Në një video të postuar në Instagram, producenti i njohur shfaqet bashkë me kompozitorin Kledi Bahiti dhe thotë:
“Të gjithë pyesin si bëjmë këngë ne. Ne kemi Dullën, një turk që punon me kompjuter!”
Ndërkohë që në video, Kledi është ‘i maskuar’ si një turk dhe me shaka bën sikur punon para kompjuterit.
Sigurisht, kjo është një (tjetër) shaka nga ana e djemve… por nuk do të qe keq sikur të mësonim me të vërtetë çelësin e këngëve të këtij label-i.