Replikat dhe debatet mes mazhorancës dhe opozitës së djathtë kanë qenë deri tani kryefjalë e seancës së sotme parlamentare.
Mes të tjera, deputeti i Partisë Socialiste, Ulsi Manja i ka kërkuar menjëherë fjalën nga vendi kryetarit të kuvendit, Gramoz Ruçi. Ai i ka kërkuar kryeopozitarit Lulzim Basha që të tërhiqet nga deklarata e mëparshme e tij, ku akuzoi grupin parlamentar të PS si grup kriminal. Manja tha se ndihet i fyer dhe se Basha është i lirë të largohet nga salla nëse deputetët e PS i duken si të tillë.
“Basha iu drejtua grupit tonë si grup kriminal. I tërheq vëmendjen ta tërheqë këtë fjalë se jemi votuar nga shqiptarët. Nëse i dukemi ne ashtu, është i lirë të mos rrijë në një sallë me ne. Nuk ka të drejtë të fyejë grupin e PS”, u shpreh Manja.
/AlpeNews.al/