Mbrëmjen e djeshme, në teatrin eksperimental “Kujtim Spahivogli” në Tiranë është vënë në skenë shfaqja “Medea”, që është shoqëruar me një incident për njërin prej aktorëve më të mirënjohur të teatrit shqiptar.
Bëhet fjalë për aktorin Alfred Trebicka, i cili pas uljes së dritave, ka goditur aksidentalisht murin skenik duke pësuar një çarje në pjesën e ballit.
Incidenti është bërë i ditur nga opinionisti Olti Curri i cili nëpërmjet një statusi në Facebook, ka sqaruar se ndonëse i gjakosur, Trebicka nuk ka pasur probleme të tjera dhe është rikthyer në skenë për të marrë duartrokitjet e publikut.
