Duket se dita e sotme i është ritkhyer sërish reshjeve intensive, gjë e cila na bën të kujtojmë serish përmbytjet e fillim dhjetorit.
Vetëm sot janë shenuar dëme të mëdha.Në njerëz, ku një elektriçist në Tropojë humbi jetën, si dhe në dëme ku ura e Viroit vijon të mbetet e bllokuar.
AlpeNews.al ju sjell si më poshtë parashikimin per orët në vazhdim, deri kur do jetë kjo situatë dhe kush zona rrezikohen:
Kush janë zonat më të rrezikuara:
Kukesi, Vlora dhe Gjirokastra jane qarqet me te rrezikuara nga moti i keq dhe reshjet gjate oreve ne vazhdim.
Gjatë ditës së sotme, dhe ditës së nesërme, e diel 4 Shkurt 2018, mbi vendin tonë do të mbizotërojë mot i ftohtë dhe me reshje të forta shiu.
Ndërkohë që ditën e hënë, do të kemi mot të kthjellët si dhe një ngritje të lehtë të temperaturave, por krejt e kundërta do të ndodhë ditën e martë, ku do të kemi një ndryshim të fortë temperaturash.
Ja parashikimi i motit:
Dita: Temperaturat e ulta
Temperaturat e larta
E shtunë 6 gradë celsius 16 gradë celsius
E Diel -1 gradë celsius 13 gradë celsius
E Hënë 0 gradë celsius 14 gradë celsius
E Martë 6 gradë celsius 16 gradë celcius
Çfarë tha policia:
Nisur nga situata e shtimit të numrit të informacioneve të marra nga shërbimi meteorologjik lidhur me përkeqësimin e kushteve të motit, në mënyrë që të rritet siguria në rrugë e parandalohen ngjarjet Drejtoria e Policisë Rrugore ka porositur sot shërbimet në territor:
Të bëhet një organizim dinamik i shërbimeve të policisë rrugore në përputhje me situatat e trafikut dhe të kushteve atmosfrike me qëllim parandalimin e ngjarjeve.
Mjetet e shërbimit të policisë rrugore të jenë në lëvizje të vazhdueshme, në raste të vecanta të ndezin dhe mjetet e sinjalizimit shtesë e të patrullojnë të gjitha akset rrugore, duke ju tërhequr vemendjen përdoruesve të rrugës, për zbatimin e normave të sjelljes në rrugë.
Të bashkëpunohet me Entet Pronar të Rrugës dhe Nënkontraktorët për vënien në gadishmëri të mjeteve për mirëmbajtjen e rrugëve dhe të ndihmës në rrugë.
Në zonat ku mund të bien rreshje bore, mjetet rrugore të jenë të pajisura me zinxhirë dhe të kërkohet vendosja e tyre në rastet kur rruga është e mbuluar me borë dhe ka prani të akullit në sipërfaqen e rrugës.
Të raportohet herë pas here për gjendjen e rrjetit rrugor dhe masat e marra për mirëmbajtjen e rrugëve, duke mbajtur kontakte me grupet që veprojnë në terren, duke marrë në kohë informacionet dhe masat parandaluese.
