Avokati i Andi Tomës, që u arrestuar për abuzime me miliarda lekë për rrugën Elbasan-Gjinar, thotë se policia e ka arrestuar atë sikur të ishte krimineal.
Sipas Neshat Fanës, policët kanë terrorizuar familjen e Tomës.
“Jam njoftuar mbrëmë në mes të natës nga bashkëshortja e Andi Tomës, që është miku im, jo thjesht klient im, dhe që i kishte shkuar Policia për kontroll banese dhe për ta arrestuar, për ta marrë me vete.
Avokat Neshat Fana
Kam gjetur në shtëpinë e tij 20 policë, brenda në shtëpi, dy vajzat e Andit me temperaturë, njëra 10 vjeç dhe tjetra 5 vjeç, të tmerruara nga prezenca e 20 policëve dhe Andin bashkë me të shoqen, të skandalizuar me atë që po ndodhte dhe nuk kishte njeri t’i thoshte se për çfarë arsye ata njerëz ishin në shtëpinë e tij”, thotë Fana për gazetën “Panorama”.
Ai thotë se do të bëjë një padi penale për prokuroren dhe gjyqtaren që ka firmosur arrestimin e Tomës
