Në datën 7 shkurt, Armand Duka dhe Bashkim Fino do të jenë përballë njëri-tjetrit në aktin final të garës për kreun e Federatës Shqiptare të Futbollit.
Dy kandidatët për postin e presidentit të Federatës Shqiptare të Futbollit janë në studion e emisionit “Të Paekspozuarit” të drejtuar nga Ylli Rakipi në “Top Channel”, ku po zhvillojnë debatin mes tyre për çështjen e zgjedhjeve të Asamblesë së Përgjithshme.
Duka, i cili kërkon mandatin e pestë, deklaron: “Ne kemi arritur gjatë këtyre viteve në sport atë që Shqipëria nuk e ka arritur në asnjë fushë të jetës. Bashkë kemi arritur në një Kampionat Europian, kur Bashkimi (Fino) na thoshte që mos ëndërroni kot. Bashkë me Bashkimin kemi përjetuar emocione të jashtëzakonshme nga Kombëtarja e futbollit”.
