Kryetarja e LSI-së, Monika Kryemadhi ka lëshuar akuza të rënda në adresë të kryeministrit Edi Rama.
Sipas saj, “frika që kanë ndaj Tahirit dhe për pasojë largimi i Seitit, është vetëm maja e ajsbergut”.
“Turp më të madh nuk kishte përsa nuk i lanë fjalën Spahos, të kesh frikë nga një fjalë, imagjino se sa frikëra të tjera kanë. Nuk kisha ndonjë surprizë, e prisja dhe pres gjëra të tjera shumë më të rënda, sado të mundohet të largojë vëmendjen me histerinë popullore për skena e mizanskena si regjisor e artist nuk e shpëtojnë dot nga përfshirja me trafikun e drogës, nga krimi i organizuar dhe përgjegjësia që ka si kryeministër që e dhunoi dhe e shpërbëjë atë. Çizmja është simboli, çizmja më e rëndë e krimit që i ranë në kokë shqiptarëve duhet të kthehet në çizme që i bie në kokë Ramës”- tha ajo.
