Një aksident i rëndë automobilistik ka ndodhur në orët e mëngjesit të sotëm në aksin Lushnje–Rrogozhinë. Viktimë e këtij aksidenti ka mbetur Bajame Ramazani, rreth 75 vjeçe.
Gruaja ishte duke kaluar në këmbë trafikndarësen e autostradës, duke tentuar të kalonte në krahun tjetër, kur u përplas nga një automjet fuoristradë tip “Kia”. Si pasojë e goditjes, 75-vjeçarja ka humbur jetën.
Ky aks rrugor është një nga segmentet ku ngjarje të tilla janë të shpeshta. Edhe pse në hyrjet e fshatrave ka mbikalime për këmbësorët, banorët zgjedhin të rrezikojnë jetën duke kaluar në mes të autostradës.
