ika kufitare e Morinës po përjeton një fluks të lartë lëvizjesh, ndërsa mijëra pushues nga Kosova dhe vendet e rajonit kanë zgjedhur Shqipërinë për të kaluar pushimet verore.
Sipas të dhënave zyrtare, nga ora 20:00 e mbrëmjes deri në orën 08:00 të mëngjesit të sotëm kanë hyrë në Shqipëri 12 mijë e 642 shtetas të huaj dhe 1 mijë e 471 shtetas shqiptarë, ndërsa gjatë kësaj periudhe kufirin e kanë kaluar edhe 119 autobusë.
Pavarësisht numrit të lartë të udhëtarëve, në pikën kufitare nuk janë krijuar radhë dhe procedurat e kalimit vijojnë normalisht, edhe falë marrëveshjes për lëvizjen e lehtësuar mes Shqipërisë dhe Kosovës.
