Katër personat që shihni në foton e mësipërme janë Romeo Qosja, Lefter Toci, Mariol Toska dhe Fatbardha Shehi. Ata akuzohen për grabitje me dhunë dhe armë të regjistruar në prill të këtij viti në Thermo, Etoli Akarnania, Greqi.
Ndaj tyre është ngritur tashmë një procedim penal për tentarivë grabitje seriale të armatosur dhe të dhunshme.
Sipas raportimit të bërë nga Protothema.gr, Romeo Qosja, Lefter Toci dhe Mariol Toska pasi kishin fshehur fytyrat hynë nga një derë e pasiguruar në shtëpinë e një çifti, të cilin u përpoqën ta grabisnin duke i kërcënuar me armë dhe duke përdorur dhunë ndaj burrit.
Por gjatë grabitjes ata u vunë re nga djali i të moshuarve dhe u larguan nga vendi i ngjarjes, teksa njëri prej tyre qëlloi dy herë në ajër me armë. Një operacion i koordinuar policor u organizua për të arrestuar të akuzuarit, gjatë të cilit një automjet në të cilin udhëtonte e akuzuara femër u gjet në kryqëzimin Sykia dhe u ndalua nga policia, ndërsa dy të akuzuarit meshkuj u fshehën në bagazh dhe u arrestuan. Ndërsa i katërti i bandës u gjet në një shtëpi me qera, ku edhe ra në pranga.
Pas kontrolleve të kryera nga policia në shtëpinë me qera u gjetën, një pushkë luftarake me një qytë të ndarë, me dy karikatorë, të lidhur me shirit izolues, që përmbante 57 fishekë, si edhe veshje të përdorura nga grabitësit për të kryer vjedhjet.
Dy prej të akuzuarve ishin arratisur nga një qendër paraburgimi,, ndërsa i treti ishte në një leje të dhënë 6 ditore nga burgu në të cilin ndodhej.
Romeo Qosja dhe Lefter Toci
Në lidhje me Romeo Qosjan dhe Lefter Tocin, është raportuar edhe më parë, pasi ata u arratisën në 2 janar të vitit të kaluar nga burgu i Kassavetias në Greqi, dhe më 31 mars të vitit 2016 janë akuzuar për “vrasje me paramendim” dhe “grabitje në bashkëpunim dhe në seri”.
Më tej në 21 prill të po të njëjtit vit, ndaj tyre u ngritën akuza për “pjesëmarrje në organizatë kriminale” dhe “grabitje”. Pas kalimit të afatit 18 mujor të paraburgimit, në shtator 2017 Qosja dhe Toçi janë liruar me masë sigurie “detyrim paraqitje” dhe “ndalim i daljes jashtë vendit”. Por nuk e zbatuan këtë masë sigurie, duke u arrestuar sërish por më vonë për tu lënë sërish të lirë disa herë radhazi, kohë gjatë së cilës kanë kryer grabitje.
