Policia e kryeqytetit jep detaje të reja në lidhje me vrasjen e Devi Kasmit para dy netësh. Personi që u arrestua mbrëmë është MARIO MESHINI. Sipas policisë, ai është i dyshuar si i përfshirë në vrasje, ndërsa cilësohet si bashkëpunëtor kryesor i Domart Konjarit. “Ne vijim te veprimeve te kryera nga grupi i posaçem i ngritur prane Drejtorise Vendore te Policise Tirane ne bashkepunim te ngushte me Prokurorine prane Rrethit Gjyqesor Tirane per zbardhjen e vepres penale “Vrasja me paramendim”, ”Prodhimi dhe mbajtja pa leje e armëve luftarake dhe e municionit” e kryer në bashkëpunim u ndalua shtetasi M.M. i dyshuar si i perfshire ne vrasjen e shtetasit Devi Kasmit.
Avokati i Mario Meshinit ka dhënë dëshminë e parë për përfshirjen e Mario Meshinit në vrasjen e Devi (Dëfrim) Kasmi mbrëmjen e së hënës në Tiranë. Ai tha se arrestimi ka qenë i paligjshëm. Sipas tij, Mario ka qenë në vendin e ngjarjes kur ka ndodhur vrasja por nuk ka lidhje. Avokati deklaroi se Mario dhe viktima kanë qenë miq dhe takoheshin përditë sepse klienti i tij frekuentonte palestrën e viktimës.
Klienti juaj çfarë lidhje ka pasur me vrasjen e Devi Kasmit?
Nuk ka pasur asnjë lidhje me këtë vrasje. Jam lajmëruar mbrëmë është marrë në pyetje si njeri që ka dijeni për vrasjen. E vërteta është se ka qenë duke biseduar më viktimën, madje vrasësi i ka drejtuar pistoletën edhe klientit tim. I tronditur ka shkuar në shtëpinë e tij.
A u konsultuat me klientin para se të shkonit në polici?
Nuk shkoi në polici sepse ishte i tronditur. Dhe është fare normale. Nuk ka thënë se nuk e njeh. Ka thënë se jam mik me të, shkoj përditë tek palestra e tij. Të gjitha i ka dhënë si deklarues.
Për mua dihet kush është vrasësi dhe pse ngurron policia. Kjo çështje po fryhet për të mos u vënë në pranga autorët e vërtetë. Nuk kanë asnjë provë. Mario nuk ishte dëshmitari i vetëm, kishte edhe njerëz të tjerë.
