Ndarja nga jeta në lule të rinisë, e 17-vjeçarit Florian Saraçi, ngjarje e ndodhur më 3 prill në palestrën e gjimnazit “Gjergj Kastrioti”, tronditi jo vetëm Durrësin por gjithë Shqipërinë.
Në orën e Edukimit Fizik (Fiskulturës), për shkak të një goditjeje të fortë në zemër, Florian Saraçi mbylli sytë përgjithmonë në palestrën e shkollës ku ai studionte. Ndërsa së fundmi mësohet se imazhi i tij është përjetësuar në gjimanzin “Gjergj Kastrioti”.
Shokët e tij kanë pikturuar në murin e palestrës së shkollës imazhin e Florian Saraçit i cili duket duke luajtur me top basketbolli, ndërsa përbri pikturës kanë shkruar: Florian Saraçi, 03.03.2026, përgjithmonë vëllai ynë!
Vdekja në moshën më të mirë ka lënë një plagë të madhe jo vetëm për familjarët e Florianit por dhe mësuesit e shokët e tij.
Ngjarja e papritur shkaktoi plagë të pashërueshme për të gjithë të afërmit e 17-vjeçarit, ndërkohë shokët e të ndjerit janë shprehur se para se Floriani të mbyllte sytë përgjithmonë ai i sinjalizoi ata se i duhej të shkëputej nga loja sepse ndihej mirë.
