TikTok-eri Altin Çoku, i cili në vitin 2024 shtyu drejt vetëvrasjes Sibela Abedinin, e cila ishte nëna e një fëmijë 2 vjeç, është dënuar me 6 vite burg.
Sipas raportimeve, ditën e djeshme, Gjykata e Tiranës, pasi analizoi dosjen gjyqësore, vendosi të deklarojë fajtor dhe të dënojë me 6 vite burgim, Altin Çoku.
Ky i fundit u akuzua nga prokuroria e Tiranës për dy vepra penale si “Shkaktimi i vetëvrasjes” dhe “Përndjekjes”, teksa prokurori i çështjes Drini Pali, i kërkoi gjykatës dënimin me 9 vite burgim të Altin Çokut.
Por Gjykata vendosi të pushojë akuzën e “Përndjekjes” dhe të shpallë fajtor me 6 vite burgim të Altin Çokut, raporton gazetari Elton Qyno.
Po ashtu gjatë hetimit dhe gjykimit të dosjes, u provua se përmes publikimit të një foto intime në aplikacionin social “Tik-Tok”, Altin Çoku, i ka shkatuar gjëndje ankthi, depression duke çuar nënën e një fëmijë të mitur drejt vetëvrasjes.
Sipas dosjes hetimore të publikuar nga gazetari Qyno, Sibela Abedini kishte pasur një raport intim me të dënuarin Altin Çoku, ndërsa ky i fundit zhfrytëzuar prej të pandehurit për të bërë disa foto me telefon dhe më pas këto fotografi i ka postuar në rrjetin social “Tik-Tok”.
Kur Sibela Abedini, ka parë foton e saj intime, (e cila mbahej në celularin e të pandehurit) të hedhur në rrjetin social “Tik Tok”, e ka përjetuar shumë keq këtë dhe rezulton t’i ketë thënë të pandehurit, se ajo do ti jap fund jetës.
Ndërsa është zbuluar edhe mesazhi i fundit që Sibela Abedini i ka dërguar të pandehurit Altin Çoku, i cili është:
“…Pasha zotin pasha gocën me shkatërrut si njeri për atë natë me ankth e me stres nga kjo gjo më bot gjys njeri more. Ça asht, tu u bo kështu. Kisha kohë që kisha lan ilaçet me at foto m…i. Tash ja kam nis prap. E shoh pasha zotin, është shkrujt për mu me lanë femijën jetim më vdekt goca po se ne fëmijën nuk betohem rrejshëm. Po qënka vendos, për një foto fëmijën jetim me ma lan…”.
Pas këtij mesazhi, e reja ka kryer aktin e rëndë dhe i ka dhënë fund jetës së saj.
