Një punonjës i Policisë Bashkiake Tiranë është proceduar penalisht pas një konflikti me kolegun e tij.
Ngjarja është shënuar të martën, ndërsa ka qenë shtetasi Alfred Xhoxhaj që ka shkuar në komisariatin nr. 3, i cili ka kallëzuar se është goditur në ambientet e zyrës nga kolegu i tij, Eugen Saliasi.
Sipas kallëzimit, konflikti ka ndodhur për motive të dobëta që lidhen me natyrën e punës. Në përfundim të veprimeve procedurale, Eugen Saliasi është proceduar penalisht për veprën penale “Goditja për shkak të detyrës”.
