Aleatët evropianë të Ukrainës kanë propozuar një “forcë shumëkombëshe” për të siguruar një marrëveshje të mundshme paqeje.
“Si Shtetet e Bashkuara ashtu edhe krerët e shteteve dhe qeverive evropiane shprehën mbështetjen e tyre për të punuar së bashku për t’i ofruar Ukrainës garanci të forta sigurie dhe masa mbështetëse për rindërtimin ekonomik, si pjesë e një marrëveshjeje për t’i dhënë fund luftës”, thuhet në një deklaratë të përbashkët të lëshuar të hënën nga disa vende evropiane dhe BE me rastin e një takimi me të dërguarit e SHBA-së në Berlin.
Forca, e udhëhequr nga Evropa dhe e mbështetur nga SHBA-të, do të “ndihmojë në rigjenerimin e forcave të armatosura të Ukrainës, sigurimin e hapësirës ajrore të Ukrainës dhe sigurimin e deteve më të sigurta, duke përfshirë edhe operacionet brenda Ukrainës”.
Nga ana e tij, Zelensky falënderoi hapur partnerët evropianë, veçanërisht Gjermaninë.“Uniteti evropian vërtet sjell drejtësinë”, tha ai. “Jam i bindur se Gjermania do të vazhdojë të jetë në anën tonë.”
